La dua renkontiĝo en Modemo, Italio
Scuola media statale «Cavour», Modeno, inter la dua kaj la naua de aprilo 2006
Entuziasmoveka estis la dua antaŭvidita renkontiĝo de la projekto AKEL - Alternativa Komunikado inter Eŭropaj Lernejoj, kiu kunvenigis en Modeno, de la 2-a ĝis la 9-a de Aprilo ’06, la reprezentantojn de la tri koncernaj lernejoj.
En mezlernejo “Cavour” la delegacioj de Gloucester (Britujo) kaj de Polski Trambesh (Bulgarujo) estis oficiale ricevitaj far’ de la lernejestro kaj de la skabeno pri Kulturo de la Urbodomo. Tamen la plej varma kaj festanta akcepto estis tiu de la geknaboj kiuj ludis kaj kantis la Eŭropan himnon (“Al la ĝojo”) en esperanto kaj recitis scenetojn ĉiam en la internacia lingvo kaj en la lingvo de la signoj, riĉajn je inventemo kaj simpatia komikeco. Pli ol 60 gelernantoj de la mezlernejo “Cavour” prezentis poste al la eŭropaj gastoj kaj al la gepatroj, folklorajn dancojn de malsamaj italaj regionoj, kuntrenante ankaŭ, dank’ al la gvidado de spertaj dancistoj, ĉiujn ĉeestantojn: lernejestrojn, instruistojn, gepatrojn, gastojn. Oni perceptis la etoson de gaja partopreno en la renkontiĝo inter malsamaj kulturoj, kiun Esperanto ĉiam sukcesas krei. Multaj geknaboj petis al siaj geinstruistoj malfruigi la eliron el la lernejo por pli longe povi komuniki pere de multaj lingvaĵoj, inkluzive de la lingvo de la signoj, kun siaj fremdlandaj geamikoj.
La semajna programo poste pludaŭris per pliaj ekkonoj de la respektivaj realaĵoj: gvidita vizito al ekspozicio pri la historiaj kaj kulturaj heredaĵoj de Modeno aranĝita en la lernejo mem dank’al la ĝentila permeso de RFM (fotokelokto de Modeno) “Kiam la geavoj estis etuloj” prezentita de la “sperta avo” Pino Ligabue kaj de “Familio Pavironica”(la tradiaciaj maskoj de la urbo), en la ĉeesto de multaj gepatroj, geinstruistoj kaj klasoj de la lernejo, kaj vizito al la unika ekspozicio de desegnaĵoj faritaj de gelernantoj de la partneraj lernejoj sub la titolo “Mia malproksima amiko”. Aparte signifaj estis, krome, la partopreno de la gelernantoj de Modeno kaj de la du delegacioj en la ludo “Eŭropo” ĝentile disponigita de Info-point de la Urbodomo por plibonigi la konojn de la eŭropaj partneraj landoj, kiuj partoprenas en la projekto. Fine okazis multmedia prezentado de esploroj pri historiaj kaj kulturaj realaĵoj de la tri landoj.
Dum la sekvantaj tagoj la delegacioj estis oficiale ricevitaj en la Urbodomo, aŭskultis la informojn de fakaj asocioj kaj povis ekkoni la administran kaj ekonomikan realon de la provinco Modeno.
Gvidado al la plej signifaj lokoj de la urbo (historia centro, monumentoj, placoj...) kaj de la provinco (galerio de aŭtomobilfabriko Ferrari en Maranello, etnografa muzeo en Sorbara, subĉiela ludo “la ruzzola”, tipaj gastejoj) permesis al ili havigi al si pli profundan konon de nia lando laŭ malsamaj vidpunktoj.
La delegacioj poste formoviĝis al Venecio. Per siaj vidaĵoj la famkonata urbo ravis ne nur la gastojn, sed ankaŭ iujn italajn geknabojn, kiuj ankoraŭ ne konis ĝin kaj permesis, intertempe, pli oftajn kaj tute liberajn interkomunikadojn inter la bulgaraj kaj italaj gestudentoj dank’al la interncia kaj neŭtrala lingvo esperanto. Fine ili vizitis Romon, kie ili estis gvidataj, dum la turisma rondiro de la urbo, de la tre lerta kaj sperta ĉiĉerono Ranieri Clerici.
La tre intensa kaj varia programo de la semajno estis senmanke realigita de la geprofesoroj Ermanno Tarracchini kaj Valeria Bocchi, kiuj povis ricevi la determinan subtenon de la gekolegoj, de la helpa kaj administra personaro de la mezlernjo, de la gepatra asocio “Non solo scuola - Ne nur lerneje” kaj de la geinstruistoj de Esperanto Vittorio kaj Luisa Madella, kiuj helpis dum la tradukado okaze de la oficialaj renkontiĝoj.
Venontan oktobron finiĝos la una fazo de la projekto per la vizito en Gloucester, tamen jam oni antaŭvidas ĝian pliampleksigon per la partopreno de aliaj eŭropaj landoj (Litovio, Francio kaj Hispanio).
Pri la akcepto en la urbodomo raportis ankaŭ la loka ĵurnalo “Gazzetta di Modena” sur paĝo 16 de ĵaŭdo, la 6-an de aprilo 2006. Jen la teksto de la informo:
“BRITOJ KAJ BULGAROJ
Ĝemeliĝo
Ili estas partoprenantoj en internacia projekto, kiu uzas kiel komunan lingvon esperanton. Ili troviĝas en Modeno kiel gastoj de la gestudentoj de mezlernejo Cavour. Du delegacioj de britaj kaj bulgaraj gestudentoj, akompanataj de siaj instruistoj, estis ricevitaj hieraŭ matene en la Urbodomo de Elisa Romagnoli, skabeno pri Politikoj por Juneco kaj Eŭropa Civitaneco”.
Anna Maria Colacicchi